ស្រុកកញ្ជ្រៀច ៖ នៅថ្ងៃទី៣០ ខែមេសា ឆ្នាំ២០២៦ លោក ប៊ិនសម្បតិ្ត អនុប្រធានគណៈកម្មាធិការអនុសាខាស្រុកកញ្ជ្រៀចតំណាងលោក សឿង សុជាតិ ប្រធានគណកម្មាធិការកាកបាទក្រហមកម្ពុជាស្រុក កញ្ជ្រៀច បានដឹកនាំ លោក លោកស្រី សមាជិក សមាជិកាគណៈកម្មាធិការ មន្រ្តីប្រចាំការ បុគ្គលិកកិច្ចសន្យា យុវជនកាកបាទក្រហមរួមជាមួយក្រុមកាកបាទក្រហមឃុំ និងអ្នកស្ម័គ្រចិត្តភូមិ ចុះសួរសុខទុក្ខ និងនាំយកអំណោយមនុស្សធម៌ជូនដល់គ្រួសាររងគ្រោះដោយសារខ្យល់កន្រ្តាក់បាក់សំយាបផ្ទះ នឹងរបើកក្បឿងផ្ទះ ចំនួន ៣ខ្នងផ្ទះ ស្មើនឹង ៣គ្រួសារ នៅភូមិឆ្ពឹស ២គួសារ នឹងភូមិបេង១គ្រួសារ ឃុំថ្មពូន ស្រុកកញ្ជ្រៀច ខេត្តព្រៃវែង។
នាឱកាសនោះ លោកអនុប្រធានគណៈកម្មាធិការអនុសាខាស្រុក បានពាំនាំនូវប្រសាសន៍ផ្តាំផ្ញើសួរសុខទុក្ខពីសំណាក់ ឯកឧត្តម សួន សុម៉ាលីន ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រៃវែង ពិសេស ឯកឧត្តមអភិសន្តិបណ្ឌិត ស សុខា ប្រធានកិត្តិយសសាខាខេត្ត ដែលជានិច្ចកាល លោកតែងតែគិតគូរពីសុខទុក្ខរបស់បងប្អូនប្រជាពលរដ្ឋ ដោយមិនប្រកាន់រើសអើងវណ្ណៈ ជាតិសាសន៍ ពណ៌សម្បុរ ឬនិន្នាការនយោបាយអ្វីឡើយ ស្របតាមពាក្យស្លោកថា ”ទីណាមានទុក្ខលំបាក ទីនោះមានកាកបាទក្រហមកម្ពុជា”។ ជាមួយគ្នានោះ លោកអនុប្រធាន បានសំណូមពរ និងបញ្រ្ជាបនៃការផ្សព្វផ្សាយ សូមអោយមានការប្រុងប្រយ័ត្នអោយបានខ្ពស់ ដោយសាររដូវមានភ្លៀងធ្លាក់ លាយឡំជាមួយផ្គរ រន្ទះ និងខ្យល់កន្រ្ទាក់ បានចូលមកដល់ និងសូមកុំចេញទៅទីវាលនៅពេលមានភ្លៀងធ្លាក់ ព្រមទាំងសំណូមពរសូមអោយមានការខិតខំថែរក្សាសុខភាពអោយបានល្អ ដោយប្រកាន់យកនូវការរស់នៅស្អាត បរិភោគស្អាត ផឹកស្អាត ត្រូវតាមដានសុខភាពជាប្រចាំ សូមបន្តចូលរួមក្នុងការទប់ស្កាត់ការឆ្លងរីករាលដាលនៃជំងឺឆ្លងកាចសាហាវផ្សេងៗ ព្រមទាំងចូលរួមកំចាត់ជំងឺមិនឆ្លងដោយមិនត្រូវបរិភោគអាហារមានរសជាតិផ្អែមពេក ប្រៃពេក កាត់បន្ថយការពិសារភេសជ្ជៈកំប៉ុង និងចូលរួមទាំងអស់គ្នាក្នុងការកាត់បន្ថយការប្រើប្រាស់ថង់ប្លាស្ទិក។
សម្ភារៈផ្តល់ជូន៖ សម្រាប់ ២គ្រួសារ ដែលរងផលប៉ះពាល់ធ្ងន់ធ្ងរ (ប្រភេទ ក) ក្នុង ១គ្រួសារ ទទួលបាន: អង្ករ ៣០គ.ក, មី ១កេស,ចង្រ្កាន១ សម្ភារ:ផ្ទះបាយ ១ឈុតថវិកា១០០,០០០៛
– ១គ្រួសាររងគ្រោះ(ប្រភេទ ខ) ទទួលបាន អង្ករ២០គីឡូ មី១កេស ចង្រ្កាន១ សម្ភារៈផ្ទះបាយ១ ឈុត ថវិកា៥០,០០០៛។
