(កំពង់ចាម)៖ នៅថ្ងៃទី ១៤ខែមេសា ឆ្នាំ ២០២៦ នេះ ដែលត្រូវនឹងថ្ងៃចូលឆ្នាំទី១ សម្រាប់ខេត្តកំពង់ចាម មានភ្ញៀវទេសចរណ៍មកលេងកម្សាន្តប្រមាណជាជិត ១លាននាក់ ។
តាមរបាយការណ៍របស់មន្ទីរទេសចរណ៍ខេត្តកំពង់ចាមបានឲ្យដឹងថា ទិន្នន័យទេសចរណ៍ និងប្រជាពលរដ្ឋដើរកម្សាន្ត នៅថ្ងៃទី១៤ ខែមេសា ឆ្នាំ២០២៦ មានដូចខាងក្រោម៖
សម្រាប់សង្រ្កានក្រុងកំពង់ចាម មានភ្ញៀវទេសចរណ័ ជាតិចំនួន ១៦៥,៥៤២ នាក់ និងចំនួនភ្ញៀវទេសចរណ៍ តាមរមណីយដ្ឋានក្រុង-ស្រុក ៧៩៣,២៥៨នាក់ សរុបភ្ញៀវទេសចរណ៍ជាតិ ចំនួន ៩៥៨,៦៤៥ នាក់ ទេសចរណ៍បរទេស១៥៥ នាក់ ។
គូបញ្ជាក់ផងដែរថា ថ្ងៃដំបូង នៃពិធីបុណ្យចូលឆ្នាំថ្មីប្រពៃណីជាតិខ្មែរនេះ រដ្ឋបាលខេត្តកំពង់ចាម បានរៀបចំកម្មវិធីល្បែងប្រជាប្រិយ ជាច្រើនប្រភេទសម្រាប់ប្រជាពលរដ្ឋចូលរួមលេងកម្សាន្ត ។ ជាមួយគ្នានោះ ក៏មានការបង្ហាញពីរពណ៌តាមស្តង់ រហូតដល់ទៅជាង១០០ ស្តង់ សម្រាប់ភ្ញៀវទស្សនាផងដែរ ។
លើសពីនេះទៅទៀត ថ្នាក់ដឹកនាំខេត្ត ពិសេស ឯកឧត្តម អ៊ុន ចាន់ដាអភិបាលខេត្ត បានដឹកនាំមន្ត្រីរាជការលេងល្បែងប្រជាប្រិយ នៅបរិវេណសួនច្បារមុខសាលាខេត្តកំពង់ចាម ដើម្បីបង្ករបរិយាកាសរីករាយរួមគ្នាជាមួយនឹងប្រជាពលរដ្ឋដែលមកលេងកម្សាន្តនៅទីនោះ ។
