(ភ្នំពេញ) :សម្ដេចតេជោ ហ៊ុន សែន ប្រធានព្រឹទ្ធសភា បានលើកឡើងថា តាំងពីដើមទីមក សម្ដេចតែងតែសង្កត់ធ្ងន់ទៅលើតួនាទី និងអំណាចស្រ្ដីក្នុងវិស័យសេដ្ឋកិច្ច, ការណ៍នេះគឺសំខាន់ខ្លាំងណាស់សម្រាប់ប្រទេសកម្ពុជារបស់យើង។
នៅក្នុងកិច្ចប្រជុំជាមួយប្រតិភូក្រុមប្រឹក្សាជាតិកម្ពុជាដើម្បីស្ត្រី ថ្ងៃទី១៤ ខែសីហា ឆ្នាំ២០២៦ សម្ដេចតេជោ ហ៊ុន សែន បានបញ្ជាក់ថា ប្រសិនបើយើងពង្រឹងអំណាចស្រ្ដីលើវិស័យសេដ្ឋកិច្ចបាន យើងក៏អាចពង្រឹងអំណាចស្រ្ដីក្នុងវិស័យនយោបាយបានដែរ។
សម្ដេចតេជោ សង្កត់ធ្ងន់ថា ប្រសិនបើអំណាចស្រ្ដីក្នុងវិស័យសេដ្ឋកិច្ចមិនត្រូវបានលើកកម្ពស់ទេ វិស័យនយោបាយរបស់ស្រ្ដី មិនថាក្នុងគ្រួសារ ឬក្នុងសង្គមមិនក៏មិនត្រូវបានលើកកម្ពស់ដែរ។ ដូច្នេះត្រូវបន្ដខិតខំលើរឿងនេះ ដើម្បីជំរុញស្រ្ដីរបស់យើងខិតខំប្រឹងប្រែងក្នុងការពង្រឹងខ្លួននៅក្នុងក្របខណ្ឌនៃការធានារ៉ាប់រងដោយមិនពឹងផ្អែកតែលើស្វាមី៕
