(ព្រៃវែង) : នាព្រឹកថ្ងៃសៅរ៍ ០៨កេីត ខែស្រាពណ៍ ឆ្នាំម្សាញ់ សប្ដស័ក ព.ស.២៥៦៩ត្រូវនឹងថ្ងៃទី០២ ខែសីហា ឆ្នាំ២០២៥នេះ ឯកឧត្តម សួន សុម៉ាលីន អភិបាល នៃគណៈ អភិបាលខេត្តព្រៃវែង រួមជាមួយថ្នាក់ដឹកនាំខេត្ត បានអញ្ជើញចុះសួរសុខទុក្ខ លោក ទួន រីណា និងលោក ចំរើន ច័ន្ទដែន ដែលជាវីរៈកងទ័ពឈរជើងនៅសមរភូមិ ដ៏អង់អាចក្លាហាន ដែលរងរបួសអំឡុងពេលប្រយុទ្ធការពារបូរណភាពទឹកដីកម្ពុជា ពីការឈ្លានពានរបស់ខ្មាំងសត្រូវ បច្ចុប្បន្នលោកទាំងពីរបាននិងកំពុងសម្រាលព្យាបាល នៅមន្ទីរពេទ្យបង្អែកខេត្តព្រៃវែង។
ក្នុងឱកាសនោះដែរ ឯកឧត្តមអភិបាលខេត្ត ក៏បាននាំយកនូវថវិកា និងសម្ភារៈប្រើប្រាស់ គ្រឿងឧបភោគ-បរិភោគមួយចំនួន សម្រាប់ឧបត្ថម្ភជូនដល់កងកម្លាំងទាំងពីរ ដើម្បីជាការតបស្នងសងគុណចំពោះវីរភាព និងឆន្ទៈដ៏មោះមុតក្នុងបុព្វហេតុការពារបូរណភាពទឹកដី និងអធិបតេយ្យជាតិពីសត្រូវឈ្លានពានសៀម នាពេលកន្លងទៅនេះ។
យើងខ្ញុំទាំងអស់គ្នា សូមជូនពរដល់វីរកងទ័ពទាំងពីរ ឆាប់បានជាសះស្បើយ មានសុខភាពល្អបរិបូណ៌ និងអាចវិលត្រឡប់ទៅភូមិឋានរបស់ខ្លួន ជួបជុំគ្រួសារវិញក្នុងពេលឆាប់ៗ និងបានប្រកបតែពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើង ។
