រាជធានីភ្នំពេញ: នៅព្រឹកថ្ងៃទី៣១ ខែកក្កដា ឆ្នាំ២០២៦ រដ្ឋបាលខណ្ឌសែនសុខ បានរៀបចំពិធីដេញថ្លៃគម្រោងមូលនិធិអភិវឌ្ឍន៍សង្កាត់ទាំង៦ នៃខណ្ឌសែនសុខ ឆ្នាំ២០២ ក្រោមអធិបតីភាព ឯកឧត្តម ពេញ ធារម្យ អភិបាលរងរាជធានីភ្នំពេញ តំណាងដ៏ខ្ពង់ខ្ពស់ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ ដោយមានការអញ្ជើញចូលរួមពីលោកស្រី ឈាន សុខេន ប្រធានក្រុមប្រឹក្សាខណ្ឌ លោក ចេង មុនីរ៉ា អភិបាល នៃគណៈអភិបាលខណ្ឌសែនសុខ លោកអភិបាលរងខណ្ឌ លោកអនុប្រធានមន្ទីរផែនការរាជធានីភ្នំពេញ លោកនាយករងទីចាត់ការផែនការវិនិយោគរាជធានីភ្នំពេញ លោកនាយក នាយករងរដ្ឋបាលខណ្ឌ លោក លោកស្រី ប្រធានការិយាល័យ លោកចៅសង្កាត់ ក្រុមប្រឹក្សាសង្កាត់ទាំង៦ គណៈកម្មការលទ្ធកម្មសង្កាត់ តំណាងក្រុមហ៊ុន១៦ ចូលរួមការដេញថ្លៃគម្រោងមូលនិធិអភិវឌ្ឍន៍សង្កាត់ និងបងប្អូនតំណាងប្រជាពលរដ្ឋសរុបចំនួន៩៣នាក់ នៅសាលប្រជុំសាលាខណ្ឌសែនសុខ។
ជាលទ្ធផល ការដេញថ្លៃគម្រោងខាងលើបានទទួលជោគជ័យ ១០០% ដោយមានការគាំទ្រ និងបានចូលរួមដេញថ្លៃឈ្នះបាន៥ក្រុមហ៊ុន លើ៦សង្កាត់ ស្មើនឹង៦គម្រោងគ្រប់សង្កាត់ទាំងទាំងអស់។
