ខេត្តព្រៃវែង៖ នៅព្រឹកថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ ឯកឧត្តម បណ្ឌិត តុប នេត ប្រធានក្រុមការងារចុះជួយមូលដ្ឋានស្រុកស៊ីធរកណ្តាល និងលោកជំទាវ ថាំ វ៉ាន់នីកា តុប នេត ព្រមទាំងក្រុមការងារចុះជួយឃុំទាំង១១ បានអញ្ជើញចូលរួមក្នុងពិធីប្រគេនទៀនចំណាំព្រះវស្សាចំនួន ៥៣វត្ត នៃឃុំទាំង១១ ក្នុងស្រុកស៊ីធរកណ្តាល ខេត្តព្រៃវែង។
ឆ្លៀតក្នុងឱកាសនេះ ឯកឧត្តម បណ្ឌិត ប្រធានក្រុមការងារ និងលោកជំទាវ បានអញ្ជេីញចុះត្រួតពិនិត្យសមទ្ធិផលក្នុងឃុំរំលេច និងបន្តពិនិត្យវឌ្ឍនភាពការសាងសង់ អគារមជ្ឈមណ្ឌល បណ្ដុះបណ្ដាល ស សុខា ស៊ីធរកណ្តាល។
ក្នុងពិធីនេះ ក៏មានការអញ្ជើញចូលរួមពីសំណាក់ ឯកឧត្តម អនុប្រធានទី១ ចុះជួយមូលដ្ឋានស្រុកស៊ីធរកណ្តាល ឯកឧត្ដម លោកជំទាវ ដែលជាប្រធាន អនុប្រធានក្រុមការងារចុះមូលដ្ឋានឃុំទាំង១១ ព្រមទាំងក្រុមការងារលេខាធិការដ្ឋាន, ក្រុមការងារយុវជន, ក្រុមការងារចល័ត, និងក្រុមការងារចលនាស្រ្តី ព្រមទាំងប្រជាពលរដ្ឋជាច្រើនផងដែរ។
