បាត់ដំបង: កាលពីថ្ងៃទី២២និង២៣ខែ កក្កដា ឆ្នាំ២០២៦ នៅចំណុចភូមិសួសអី ឃុំពាមឯក ស្រុកឯកភ្នំ ខេត្តបាត់ដំបង ស្របតាមអនុសាសន៍ដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងយោបល់ដឹកនាំរបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ឯក ឆាយ ម៉ាប់ អធិការនគរបាលស្រុកឯកភ្នំបានដឹកនាំកម្លាំងផ្នែកប្រឆាំងគ្រឿងញៀនរួមជាមួយកម្លាំងប៉ុស្តិ៍នគរបាលរដ្ឋបាលពាមឯក កម្លាំងផែនជំនាញប្រឆាំងគ្រឿង ញៀនដែលមានលោកវរសេនីយ៍ឯក សុខ និមល ស្នង ការរងទទួលដឹកនាំផែន រួមជាមួយកម្លាំងនគរបាលស្រុកបវេល មានលោកវរសេនីយ៍ឯក សុខ សារិន ជាអធិការ និងបានការសម្របសម្រួលលេីនីតិវិធីពីតំណាងអយ្យការអមសាលាដំបូងខេត្តបាត់ដំបងផង បង្ក្រាបករណី រក្សាទុកដឹកជញ្ជូននិងជួញដូរដោយខុសច្បាប់នូវសារធាតុញៀនចំនួន ០១ករណី ក្នុងបទល្មេីសជាក់ស្ដែងក្នុងនោះឃាត់ខ្លួនជនសង្ស័យបានចំនួន ០៥នាក់ ស្រី ០២នាក់ដូចខាងក្រោម៖
១-ឈ្មោះ ចន ម៉ាប់ ភេទប្រុស អាយុ ៣២ឆ្នាំ មានទីលំនៅ ភូមិប៉ោយយង់ ឃុំតាពូង ស្រុកថ្មគោល ខេត្តបាត់ដំបង។
២-ឈ្មោះ លី ចិត្រ្តា ហៅកា ភេទស្រី អាយុ ៣២ឆ្នាំ មានទីលំនៅភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
៣-ឈ្មោះ ផាន់ សុីហុង ភេទប្រុស អាយុ ៣០ឆ្នាំ មានទីលំនៅភូមិថ្មី ឃុំបន្សាយត្រែង ស្រុកថ្មគោល ខេត្តបាត់ដំបង។
៤-ឈ្មោះ យាំគឹមឡុង ភេទប្រុស រស់នៅភូមិបវេល១ឃុំបវេល ស្រុកបវេល ខេត្តបាត់ដំបង។
៥-ឈ្មោះឆាយ ស៊ីង ភេទស្រី អាយុ២០ឆ្នាំរស់នៅភូមិស្វាយស ឃុំខ្នាចរមាស ស្រុកបវេល ខេត្តបាត់ដំបង។
-សម្ភារ:ចាប់យកបានរួមមាន៖
-ម្សៅក្រាមពណ៏សថ្លាច្រកក្នុងថង់ប្លាស្ទិកសថ្លាចំនួន ១៣ថង់មាន ទម្ងន់សរុបចំនួនជាង៧០០ក្រាមសង្ស័យជាគ្រឿងញៀន។
-ជញ្ជីងសម្រាប់ថ្លឹងថ្នាំញៀនចំនួន ០១
-ថង់សម្រាប់ច្រករំលែកថ្នាំញៀនមួយចំនួន
-សម្ភារៈសម្រាប់ប្រេីប្រាស់គ្រឿងញៀនមួយចំនួន
-អំពូលកែឆ្នៃសម្រាប់ប្រេីប្រាស់ថ្នាំញៀនចំនួន ០១
-ទូរស័ព្ទដៃចំនួន ១១គ្រឿង
-ក-ាំបិ-តកែច្នៃចំនួន០៣ដេីម
-ប្រាក់រៀលចំនួន ១,៨០០,០០០រៀល
-ម៉ូតូចំនួន ០៣គ្រឿង
ចប្ចុប្បន្ននេះសមត្ថកិច្ចកំពុងរៀបចំសំណុំរឿងបញ្ជូនមកការិយាល័យជំនាញចាត់ការបន្តតាមនិតិវិធី ច្បាប់៕
