ខេត្តបាត់ដំបង: ដោយក្តីអាណិតអាសូរចំពោះករណីប្រជាពលរដ្ឋជួបគ្រោះថ្នាក់ចរាចរណ៍ នៅព្រឹកថ្ងៃទី១ខែមេសា ឆ្នាំ២០២៦ នេះ ឯកឧត្តម សុខ លូ អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តបាត់ដំបង បានចាត់ ឯកឧត្តម ផេង សិទ្ធី អនុប្រធានអចិន្រ្តៃយ៍គណ:កម្មាធិការសាខាស្រុក និងសហការី ជាតំណាងចូលរួមរំលែកមរណទុក្ខដ៏ក្រៀមក្រំបំផុតជាមួយក្រុមគ្រួសារសពប្រជាពលរដ្ឋចំនួន៥នាក់ (ស្មើ៣គ្រួសារ) ដែលស្លាប់ដោយសារគ្រោះថ្នាក់ចរាចរណ៍កាលពីយប់ថ្ងៃទី២៧ ខែមីនាឆ្នាំ២០២៦ខណៈកំពុង ធ្វើដំណើរមកដល់ចំណុះបង្គោលគីឡូលេខ២៤៦-២៤៧ត្រូវបានរថយន្តបុកពីក្រោយបណ្តាលអោយបាត់បង់អាយុជីវិតភ្លាមៗចំនួន៥នាក់និងរបួសធ្ងន់ធ្ងរកុមារ១នាក់ស្ថិតនៅភូមិកកោះឃុំកកោះស្រុកមោងឬស្សីខេត្តបាត់ដំបង ។
ក្នុងសមានទុក្ខដ៏ក្រៀមក្រំនេះឯកឧត្តម ផេង សិទ្ធី បានពាំនាំនូវការរំលែកទុក្ខដ៏ក្រៀមក្រំពីសំណាក់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងឯកឧត្តម សុខ លូ ជាមួយក្រុមគ្រួសារសព និងសូម ឧទ្ទិសបួង សួងដល់ដួងវិញ្ញាណក្ខន្ធសពផងដែរ។
ជាមួយគ្នានេះឯកឧត្តម ក៏បានលើកទឹកចិត្តដល់ក្រុមគ្រួសារសព ឱ្យមានភាពរឹងមាំបន្តប្រកបរបរចិញ្ចឹមជីវិត និងទំនុកបម្រុងក្រុមគ្រួសារ ដើម្បីអនាគតភ្លឺស្វាង និងថែទាំសុខភាព និងពង្រឹងស្មារតីកម្លាំងកាយចិត្តឲ្យបានល្អ និងសូមបួងសួងដល់វិញ្ញាណក្ខន្ធសព ទាំង៥រូបបានទៅ កាន់សុគតិភពកុំបីឃ្លៀងឃ្លាតឡើយ។
