(បាត់ដំបង) :នៅថ្ងៃទី៣១ខែកក្កដាឆ្នាំ២០២៥នេះលោកឧត្តម សេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង បានចាត់តាំងលោក ឧត្តមសេនីយ៍ត្រី ហាត ឡៃ ឡែ ស្នងការរងផែនការងារនគរបាលព្រំដែន នាំយកយកថវិកានិងសម្ភារៈមួយចំនួន របស់លោកឧត្តមសេនីយ៍ទោ ស្នងការ ចុះសាកសួរសុខទុក្ខកងកម្លាំងនគរបាលរបស់អង្គភាពវរសេនាតូចនគរបាលការ ពារព្រំដែនគោកលេខ៣១០ ស្រុកសំឡូត ចំនួន០២រូប ដដែលមានបញ្ហាសុខភាពមិនទាន់ល្អប្រសេីរទេីបវិលត្រឡប់មកពីបំពេញបេសក ម្មនៅសមភូមិជួរមុខ ប្រាសាទព្រះវិហារ ក្នុងការ ប្រ យុទ្ធតទល់ ក្នុងប៉ុន្មានថ្ងៃកន្លងមកនេះជាមួយទាហ៊ានថៃ។
បន្ទាប់ពីការសាកសួរសុខទុក្ខនិងការផ្តាំផ្ញេីពីលោក ស្នងការរួចមក លោកស្នងការរងបានប្រគល់ថវិកាជូនពួកគាត់ក្នុងម្នាក់ៗទទួលបានថវិកាចំនួន១,០០០,០០០ រៀល(មួយលានរៀល)ដែល ជាថវិការបស់លោក ស្នងការនិងជូនពរពួកគាត់ឆាប់បានធូរស្បេីយដេីម្បីបន្តបំពេញភារកិច្ចការពារបូរណភាពទឹកដីជាបន្តទៀត។
ទន្ទឹមនេះលោកស្នងការរងបាននាំយកវិទ្យុទាក់ទងកាន់ដៃចំនួន១៦គ្រឿងនិងវិទ្យុទាក់ទងធុនធំលេីតុចំនួន ០១គ្រឿង ដែលជាអំណោយរបស់ឯកឧត្តម ឧត្តមសេនីយ៍ឯក សុខ វាសនា អគ្គនាយកនៃអគ្គនាយកដ្ឋានអន្តោ ប្រវេសន៍ក្រសួងមហាផ្ទៃ ផ្តល់ជូនដល់អង្គភាពវរៈព្រំ ដែនលេខ៣១០បានប្រេីប្រាស់ក្នុងពេលនេះផងដែរ៕
