(បាត់ដំបង) :នៅព្រឹកថ្ងៃទី ២៩ ខែតុលាឆ្នាំ ២០២៥នេះលោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ ដំ បង និងជាប្រធានគណៈកម្មាការមូលដ្ឋានស មាគមមិត្តនគរបាលជាតិកម្ពុជាខេត្តបាត់ដំបង (ស.ម.ន) និងជាប្រធានសមាគមអតីតយុទ្ធជនកម្ពុជាខេត្តបាត់ដំបង (ស.អ.ក)ដឹកនាំលោក ស្នងការរង និងអនុប្រធាន សមាជិកសមាគម ចូលរួមគោរពវិញ្ញាណក្ខន្ធសពលោក សូ សំអាន (អតីតស្នងការរង )ជានិវត្តន៍ជនជាស មា ជិកសមាគមមិត្តនគរបាលជាតិ កម្ពុជា(ស. ម. ន) និងជាសមាជិកសមាគម(ស.អ. ក) ដែល លោកបានទទួលមរណ ភាពពីថ្ងៃទី ២៧ខែ តុលា ឆ្នាំ២០២៥ដោយរោគាពាធក្នុងជន្មាយុ ៧៨ឆ្នាំ និងកំពុងតម្កល់ធ្វេីបុណ្យតាមប្រពៃណី នៅភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ។
ក្នុងការចូលរួមនេះបានលោកស្នងការនាំយកសារលិខិតចូលរួមរំលែកទុក្ខរបស់ស្នងការដ្ឋា ននិងក្នុងនាមសមាគមទាំងពីរនិងប្រគល់ថវិកាមាន៖
-ថវិកា(ស.ម.ន)ចំនួន៦.០០០.០០០រៀល (ប្រាំមួយលានរៀល)
-ថវិកា(ស.អ.ក)ចំនួន៤.០០០.០០០រៀល(បួនលានរៀល)
-ថវិកាស្នងការដ្ឋាននគរបាលខេត្តបាត់ដំបងចំនួន២.០០០. ០០០រៀល(ពីរលានរៀល)
ប្រគល់ជូនគ្រួសារសពដើម្បីចាត់ចែងធ្វើ បុណ្យតាមគន្លងប្រពៃណី ។
លោកឧត្តមសេនីយ៍ទោស្នងការបានពាំនាំនូវការផ្តាំផ្ញើចូលរួមរំលែកនូវមរណៈទុក្ខចំពោះក្រុមគ្រួសារសព ពីថ្នាក់ដឹកនាំសមាគមទាំងពីរ
ព្រមទាំងកងកម្លាំងនគរបាលទាំងអស់ និងសូមចូលរួមរំលែកទុក្ខយ៉ាងក្រៀមក្រំបំផុតចំពោះក្រុមគ្រួសារសព និងសូមឧទ្ទិសដួងវិញ្ញាណក្ខ័ន្ធរបស់លោក សូ សំអានបានយោន យក កំណើតក្នុងទីបរមសុខកុំបីខាន ៕
