មន្ត្រីជំនាញកសិកម្មខេត្តព្រៃវែង ចុះពិនិត្យស្រែបង្ហាញរបស់សហគមន៍កសិកម្មក្នុងស្រុកកញ្ជ្រៀច និងស្រុកកំចាយមារ

ខេត្តព្រៃវែង៖ កាលពីថ្ងៃទី៤ ខែសីហា ឆ្នាំ២០២៦ លោក ហែម សេដ្ឋា អនុប្រធានការិយាល័យអភិវឌ្ឍន៍សហគមន៍កសិកម្ម នៃមន្ទីរកសិកម្ម រុក្ខាប្រមាញ់ និងនេសាទ ខេត្តព្រៃវែង បានដឹកនាំក្រុមការងារចុះពិនិត្យស្ថានភាពស្រែបង្ហាញនៅតាមសហគមន៍កសិកម្មចំនួនពីរក្នុងខេត្ត ដើម្បីជំរុញការងារបច្ចេកទេសកសិកម្ម។

​សកម្មភាពចុះពិនិត្យតាមទីតាំង
​ពេលព្រឹក (ស្រុកកញ្ជ្រៀច)៖ ក្រុមការងារបានចុះពិនិត្យស្រែបង្ហាញនៅសហគមន៍កសិកម្ម «សមភាពកសិករ» ស្ថិតនៅភូមិក្រូច ឃុំក្ដឿងរាយ ស្រុកកញ្ជ្រៀច ខេត្តព្រៃវែង។ សកម្មភាពនេះមានអ្នកចូលរួមសរុបចំនួន ៨នាក់ (ស្រី ១នាក់)។
​ពេលរសៀល (ស្រុកកំចាយមារ)៖ លោកបានបន្តដឹកនាំការចុះពិនិត្យស្រែបង្ហាញមួយកន្លែងទៀត នៅសហគមន៍កសិកម្ម «អភិវឌ្ឍន៍ធ្នង់» ស្ថិតនៅភូមិធ្នង់ខាងលិច ឃុំស្មោងខាងជើង ស្រុកកំចាយមារ ខេត្តព្រៃវែង ដោយមានអ្នកចូលរួមសរុបចំនួន ១៥នាក់ (ស្រី ៤នាក់)។

​គម្រោងស្រែបង្ហាញទាំងពីរទីតាំងនេះ ទទួលបានការគាំទ្រផ្នែកសម្ភារៈពីអង្គការ GIZ។ ការចុះពិនិត្យនេះធ្វើឡើងក្នុងគោលបំណងលើកកម្ពស់ការអនុវត្តបច្ចេកទេសកសិកម្មឱ្យកាន់តែមានប្រសិទ្ធភាព ព្រមទាំងជំរុញការផ្សព្វផ្សាយបច្ចេកវិទ្យាកសិកម្មថ្មីៗដល់សហគមន៍កសិករ ដើម្បីបង្កើនទិន្នផល និងជីវភាពរស់នៅរបស់ប្រជាសហគមន៍ឱ្យកាន់តែប្រសើរឡើង៕