ខេត្តរតនគិរី៖ ប្រភពពីប្រជាពលរដ្ធ និងក្រុមអ្នកញៀនល្បែងច្បាស់ការបានទម្លាយឲ្យដឹងថា: ទីតាំងល្បែងស៊ីសងខុសច្បាប់ដ៏ធំមួយ ស្ថិតនៅភូមិជ្រៃ សង្កាត់យក្យឡោម ក្រុងបានលុង ខេត្តរតនគិរី កំពុងបើកដំណើរការយ៉ាងគគ្រឹកគគ្រេង ចាប់តាំងពីថ្ងៃទី៥ ខែមីនា ឆ្នាំ២០២៦ មក ដោយមិនញញើតច្បាប់ និងមិនខ្លាចអាជ្ញាធរមូលដ្ឋានឡើយ។
ប្រភពបានបញ្ជាក់ថា ទីតាំងល្បែងនេះ ត្រូវបានគេរៀបចំឡើងដោយក្រុមបុគ្គលមួយចំនួន ក្នុងនោះមានឧកញ៉ាម្នាក់ឈ្មោះ ឡេង សំណាង រួមជាមួយដៃគូឈ្មោះ ងួន សុវណ្ណា ហៅ អូនធំ ខណៈបុគ្គលម្នាក់ទៀតឈ្មោះ មេសា ត្រូវបានគេអះអាងថា ជាអ្នកជំនិតដែលរៀបចំ និងគ្រប់គ្រងសកម្មភាពល្បែងទាំងមូល។នៅទីតាំងនេះ ត្រូវបានគេរាយការណ៍ថា មានល្បែងជាច្រើនប្រភេទ ដូចជា យូគី អាប៉ោង និងជល់មាន់ ដែលកំពុងទាក់ទាញអ្នកលេងចូលចេញយ៉ាងច្រើន បង្កឲ្យប្រជាពលរដ្ឋនៅតំបន់នោះព្រួយបារម្ភយ៉ាងខ្លាំងចំពោះសន្តិសុខ និងសណ្តាប់ធ្នាប់សង្គម។អ្វីដែលធ្វើឲ្យមហាជនកាន់តែចាប់អារម្មណ៍ គឺទីតាំងល្បែងនេះបើកលេងយ៉ាងចំហរ ហាក់ដូចជាគ្មានការទប់ស្កាត់ពីសមត្ថកិច្ចទេ។
មហាជនបានលើកជាសំណួរថា៖ តើមានអ្នកធំៗនៅពីក្រោយ ឬយ៉ាងណា ទើបទីតាំងល្បែងស៊ីសងខុសច្បាប់អាចបើកដំណើរការយ៉ាងរលូនបែបនេះ?
(ប្រភព:ពីក្រុមអ្នកញៀនល្បែង)
