ខេត្តសៀមរាប: នាថ្ងៃទី៤ ខែមីនា ឆ្នាំ២០២៦ លោក សុខ ថុល អភិបាលរងខេត្តតំណាងឯកឧត្តម ប្រាក់ សោភ័ណ អភិបាល នៃគណៈអភិបាលខេត្ត បានដឹកនាំកិច្ចប្រជុំដើម្បីត្រួតពិនិត្យលើការអនុវត្តមុខងារដែលបានផ្ទេរទៅរដ្ឋបាលក្រុង ស្រុក និងការដោះស្រាយសំណូមពរពីរដ្ឋបាលក្រុង ស្រុក ឃុំ សង្កាត់នៅសាលប្រជុំសាលាខេត្ត ដោយមានការចូលរួមពីអ្នកពាក់ព័ន្ធ។
លោក សុខ ថុល បានណែនាំដល់អង្គប្រជុំឱ្យយកចំណុចខ្វះខាតដែលកំណែទម្រង់ និងផ្ទេរមុខងារមកយើងត្រូវរកវិធីអនុវត្តឱ្យបានល្អប្រសើរដោយភាពឆ្នៃប្រឌិតដោយស្របច្បាប់ដើម្បីបម្រើអង្គភាពរបស់ខ្លួនឱ្យបានរលូន។ លោក អភិបាលរងខេត្តបានបន្តថា ដើម្បីពង្រឹងនូវមុខងារដែលបានផ្ទេរកន្លងមក យើងនឹងរៀបចំវគ្គបណ្តុះបណ្តាលបន្ថែមដល់មន្ត្រីទទួលបន្ទុក។
