(បាត់ដំបង) :នៅព្រឹកថ្ងៃទី២១ខែ តុលា ឆ្នាំ២០២៥ស្របតាម អនុសាសន៍ដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ដាញ់ អេងប៊ុន ចាន់ ស្នងការនៃស្នងការដ្ឋាននគរបាលខេត្តបាត់ដំបង ដឹកនាំកិច្ចប្រជុំបូកសរុបសភាពការណ៍លទ្ធផលការងារប្រចាំខែតុលានិងលេីកទិសដៅការងារខែ វិច្ឆិកា ឆ្នាំ២០២៥របស់ស្នងការដ្ឋាននគរបាលខេត្តបាត់ដំបង។
ចូលរួមក្នុងកិច្ចប្រជុំមានលោកស្នងការរងនាយ នាយរង ការិយាល័យជំនាញ លោកមេបញ្ជាការ មេបញ្ជាការរងវរសេនាតូចនគរបាលការពារព្រំដែនគោក អធិការ អធិការរងនគរបាលក្រុង ស្រុកនិងមន្រ្តីពាក់ព័ន្ធជាច្រេីនរូប។
លោកឧត្តមសេនីយ៍ទោស្នងការបញ្ជាឱ្យកងកម្លាំងនគរបាលទាំងអស់ត្រៀមលក្ខណៈសម្បត្តិគ្រប់គ្រាន់ ចាំទទួលនិងអនុវត្តបទបញ្ជារបស់ថ្នាក់ដឹកនាំគ្រប់ពេលវេលាដេីម្បីកិច្ចការពារបូរណភាពទឹកដី និងប្រឆាំងរាល់អំពេីល្មេីសច្បាប់គ្រប់ប្រភេទក្នុងភូមិសាស្រ្តទទួលខុសត្រូវ ។
ក្រៅពីនោះនគរបាលត្រូវបង្ការទប់ស្កាត់ និងបង្រ្កាបទាន់ពេលនូវបទល្មេីសល្បែងស៊ីសងខុសច្បាប់គ្រប់ប្រភេទ បទល្មេីសតាមប្រព័ន្ធ internet Scams online បេីកេីតមាននៅមូលដ្ឋានណា មូលដ្ឋាននោះត្រូវក្តាប់បានដេីម្បីចាត់ វិធានការបង្រ្កាបទាន់ពេលវេលា៕
