(បាត់ដំបង) :ពីថ្ងៃទី១៤ ខែ កញ្ញា ឆ្នាំ ២០២៥ អនុវត្តតាមអនុសាសន៍ដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ ស ថេត អគ្គស្នងការ នគរបាលជាតិ និងការចង្អុលដឹកនាំរបស់លោកឧត្តមសេនីយ៍ ទោ ដាញ់ អេងប៊ុនចាន់ ស្នងការនគរបាលខេត្តបាត់ដំបង លោកវរសេនីយ៍ឯក សេង លុច អធិការនគរបាលស្រុកថ្មគោល បានដឹកនាំបង្ក្រាប ក្មេងទំនើងចំនួន ០២នាក់ បង្ហោះម៉ូតូតាមដងផ្លូវសារធារណៈបង្កភាពអាណាធិបតេយ្យក្នុងមូលដ្ឋាន នៅភូមិតាសី ឃុំតាម៉ឺន ស្រុកថ្មគោល នាំពួកគេមកកាន់អធិការដ្ឋានសាកសួរនិងធ្វើការដកហូតម៉ូតូរក្សាទុករយៈពេល០៣ខែសិន និងអញ្ជើញ ឪពុក ម្តាយមកធានាយកទៅអប់រំនៅមូលដ្ឋានវិញ ក្រោយសាកសួរធ្វើសាវតា និងកិច្ចសន្យារួចមក៕សហការី
