(ព្រៃវែង) : នៅព្រឹកថ្ងៃពុធ ទី៥ ខែសីហា ឆ្នាំ២០២៦ ឯកឧត្តម សួន សុម៉ាលីន អភិបាលនៃគណ: អភិបាលខេត្តព្រៃវែង បានទទួលជួបសម្តែងការគួរសមជាមួយ ឯកឧត្តម H.E Mr. Vanlalvawna Bawitlung ឯកអគ្គរដ្ឋទូតនៃសាធារណរដ្ឋឥណ្ឌា ប្រចាំព្រះរាជាណាចក្រកម្ពុជា ដើម្បីឈ្វេងយល់អំពីសភាពការរណ៍ទូទៅរបស់ខេត្តព្រៃវែង និងសក្កានុពលនៃការអភិវឌ្ឍលើគ្រប់វិស័យក្នុងទឹកដីខេត្តព្រៃវែង។
ឯកឧត្តម សួន សុម៉ាលីន ក្នុងនាមរដ្ឋបាលខេត្ត ក៏ដូចជាក្នុងនាមខ្លួនខ្ញុំផ្ទាល់ សូមថ្លែងអំណរគុណយ៉ាងជ្រាលជ្រៅចំពោះទឹកចិត្តដ៏ល្អប្រពៃរបស់ ឯកឧត្តម និងសហការី ដែលបានអញ្ជើញមកជួបសម្តែងការគួរសម និងជូនវត្ថុអនុស្សាវរីយ៍ដ៏មានតម្លៃសម្រាប់ខ្ញុំបាទ។
ឯកឧត្តម សួន សុម៉ាលីន អភិបាលខេត្តព្រៃវែង សូមជូនពរ ឯកឧត្តម និងសហការី សូមមានសុខភាពល្អបរិបូរណ៍ ព្រមទាំងជួបប្រទះនូវពុទ្ធពរទាំងបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។
