(បាត់ដំបង) :នៅថ្ងៃទី០២ខែ កញ្ញា ឆ្នាំ២០២៥ នេះសមត្ថកិច្ចនគរបាលនឹងបញ្ជូនមនុស្សចំនួន១០នាក់ទៅកាន់អយ្យការអមសាលាដំបូងខេត្តបាត់ដំបងដេីម្បីអនុវត្តទោសតាមផ្លូវច្បាប់បន្ទាប់ពីសមត្ថកិច្ចបានចុះបង្រ្កាបនៅពេលយប់លេីមុខសញ្ញាលួចក្នុងក្រុងបាត់ដំបង កាលពីជិតពាក់កណ្តាលអាធ្រាត្រថ្ងៃទី៣១ខែ សីហា ឆ្នាំ២០២៥កន្លងមក ។
ប្រតិបត្តិការនេះធ្វេីឡេីងស្របតាមអនុសាសន៍ដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការចង្អុលទិសដឹកនាំរបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនៃស្នងការដ្ឋាននគរបាលខេត្តបាត់ដំបង កម្លាំងក្នុងផែនការងារព្រហ្មទ័ណ្ឌដែលមានលោកវរសេនីយ៍ឯក ឈឿង គឹមសុង ជាស្នងការរងទទួលផែនចុះប្រមូលពួកគេចំនួន១០នាក់ដែលកំពុងមានវត្តមានយ៉ាងសកម្មមកសាកសួរទាំងកណ្តាលរាត្រី។
ក្រោយសាកសួរមន្រ្តីផែនការងារគ្រឿងញៀនបានធ្វេីតេស្តលេីទឹកនោមឃេីញពួកគេសុទ្ធតែមានផ្ទុកសារធាតុញៀននៅក្នុងខ្លួនដែលចាំបាច់ត្រូវបញ្ជូនទៅអនុវត្តទោស។
ចំណាត់ការនេះនឹងជួយលុបបំបាត់មួយផ្នែកធំចំពោះអំពេីចោរកម្មក្នុងមូលដ្ឋានក្រុងបាត់ដំបងនាពេលយប់និងបញ្ហាគ្រឿងញៀនផងដែរ៕សហការី
