ទឹកចិត្តខ្មែរជួយខ្មែរ!​ សាខាកាកបាទក្រហមកម្ពុជា ខេត្តព្រៃវែង បានឧបត្ថម្ភថវិកា និងសម្ភារៈ ជូនដល់សាខាកាកបាទក្រហមកម្ពុជា ខេត្តឧត្តរមានជ័យ ដើម្បីជួយដល់គ្រួសារភៀសសឹក

ខេត្តព្រៃវែង៖ នៅថ្ងៃទី៧ ខែ តុលា ឆ្នាំ២០២៦ ឯកឧត្តម សួន សុម៉ាលីន ប្រធានគណៈកម្មាធិការសាខាខេត្ត បានដឹកនាំឯកឧត្តមអនុប្រធាន ហេរញ្ញិក សមាជិកគណៈកម្មាធិការសាខាខេត្ត និងសហការី ព្រមទាំងក្រុមប្រតិបត្តិសាខា បាននាំយកថវិកា និងសម្ភារៈ ផ្តល់ជូនដល់សាខាកាកបាទក្រហមកម្ពុជា ខេត្តឧត្តរមានជ័យ ដើម្បីជួយដល់គ្រួសារភៀសសឹក។

សម្ភារៈសាខាកាកបាទក្រហមកម្ពុជា ខេត្តព្រៃវែង ផ្តល់ជូនរួមមាន៖ ថវិកាចំនួន ១០លានរៀល អង្ករ ៥,០០០គ.ក មីជាតិ ៣០០កេសតូច ត្រី ខ ៣០០យួរ តង់ ១០០ មុង ៣០០ ភួយ ៣០០ ធុងទឹក ៣០០ អាវគីប ១០បេ ទឹកតែក្រូចឆ្មា(V-Lemon Tea) ៥០កេស ភេសជ្ជៈគ្រុឌ(Krud Energy Drink) ៥០កេស ទឹកសុទ្ធ (V-Active water) ១០០កេស។