(កំពង់ចាម) :ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម, ក្នុងនាមគណៈបញ្ជាការឯកភាពរដ្ឋបាលខេត្ត សូមការយោគយល់ និងអធ្យាស្រ័យពីសំណាក់បងប្អូនធ្វេីដំណេីរលេីផ្លូវជាតិលេខ៦ ចំនុចស្ពានត្រោះ ស្រុកបាធាយ ដែលមានការកកស្ទះចរាចរណ៍ រំខានដល់ការធ្វេីដំណេីររបស់បងប្អូន ទៅកាន់រមណីយដ្ឋាននានា ក្នុងថ្ងៃឈប់សម្រាក ក្នុងឱកាសព្រះរាជពិធីបុណ្យអុំទូក បណ្តែតប្រទីបនិងសំពះព្រះខែ អកអំប។
ឯកឧត្តម អភិបាលខេត្ត សូមគោរពជម្រាបជូនពុកម៉ែ បងប្អូន បានជ្រាបថា បន្ទាប់ពីរដ្ឋបាលខេត្ត បានទំនាក់ទំនង សម្របសម្រួលជាមួយក្រុមការងារក្រសួងសាធារណៈការ និងដឹកជញ្ជូនរួចមក បានសម្រេចផ្អាកការងារជួសជុលផ្លូវចំនួន៣ថ្ងៃ និងបានបេីកចរាចរណ៍ធម្មតាឡេីងវិញចាប់ពីម៉ោង ១១:០០នាទីថ្ងៃនេះតទៅ ក្រោមការជួយសម្រួលចរាចរណ៍ដោយនគរបាលចរាចរណ៍ខេត្ត។
ឯកឧត្តម អភិបាលខេត្ត សូមជូនពរដំណេីរកំសាន្តរបស់ពុកម៉ែ បងប្អូន ទទួលបានសេចក្តីសប្បាយរីករាយ សុខសុភមង្គល និងមានសុវត្ថិភាពក្នុងការធ្វេីដំណេីរ🙏
